Pak orë pas vizitës së kryeministrit Edi Rama në Elbasan, ish kryeministri Sali Berisha, përmes një videoje të publikuar në Facebook-un e tij, i rikthehet edhe një herë përplasjeve të Ditës së Verës.
Teksa citon personat e përfshirë në ngjarje, që sipas PD janë elementë kriminalë, Berisha shprehet se, krimi është shpresa e vetme për kreun e qeverisë.
“Për kreun e Meduzës, krimi dhe lidhjet e tij me të janë shpresa e vetme! Por ka marrë fund!“, shkruan Berisha.
Pas ngjarjes, Sekretari i Përgjithshëm i PD, Gazment Bardhi publikoi një video ku tregohej, sipas tij, elementët kriminalë, mbështetës të PS, që ishin përfshirë në përplasjen fizike me simpatizantë demokratë, video e cila u quajt montazh nga kryeministri Rama.
Ora news
