Kryeministri Edi Rama bën të ditur se do të ketë bashkëdrejtim të degëve të Partisë Socialiste në rrethe.

Gjatë një takimi me strukturat në Elbasan, Rama u shpreh se kjo do të zbatohet vetëm në ato degë ku do të ketë kandidatura cilësore burra e gra.

Sipas kreut të qeverisë, Partia Socialiste ia ka parë hajrin barazisë gjinore dhe shton se nuk duhet quajtur më kryetari i partisë një figurë babai.

“Kur ai foli për një baba, unë po shikoja Ermirën që është kandidate aty. Ka nevojë të sqarohet kjo, ne kemi në këtë proces gra dhe burra, kemi rënë dakord në Kryesinë e PS-së, kudo që të kemi kandidatë cilësorë dhe meritojnë mbështetje për të kontribuar në drejtim të partisë që janë edhe burrë edhe grua, edhe vajzë edhe djalë, do kemi bashkëdrejtim të partisë në nivelin e organizata.

Aty ku kjo ka ndodhur, kemi parë që rezultatet janë domethënëse. Ermira nuk bëhet dot baba e partisë Damian, por nëse ajo është e duhura për anëtarët e partisë, ajo do jetë kryetarja e partisë. Nëse nodnjë tjetër do performojë në mënyrë bindëse, në Elbasan do kemi bashkëdrejtim të PS-së. Ne ja kemi parë hajrin barazisë gjinore, pasi punët e partisë kanë shkuar mirë. Mos ta quajmë kryetarin e partisë gjithmonë një figurë detyrimisht, figurë babe. Ju uroj suksese kandidatëve këtu” – tha Rama.