Policia e Beratit ka vënë në pranga dy shtetas dhe ka shpallur në kërkim një tjetër, pasi akuzohen se posedonin lëndë narkotike në mjetin e  tyre.

U bë arrestimi në flagrancë i shtetasve E. M., 21 vjeç dhe X. M., 27 vjeç, të dy banues në lagjen Uznovë, Berat, si dhe u shpall në kërkim shtetasi E. L.

Sipas njoftimit të policisë, këta shtetas posedonin lëndë narkotike në mjetin e tyre dhe u organizua puna për ndalimin në aksin rrugor Poliçan-Berat, në vendin e quajtur “Qafa e mullirit.

Shtetasit e lartpërmendur nuk i janë bindur urdhrit të punonjësve të Policisë për të ndaluar, i kanë kundërshtuar ata duke goditur me mjetin e tyre mjetin e Policisë dhe më pas janë larguar nga vendngjarja. 

Menjëherë shërbimet e Policisë u vunë në ndjekje për kapjen dhe ndalimin e tyre. Gjatë ndjekjes konstatuan se këta shtetas kanë hedhur nga mjeti i tyre një sasi lënde narkotike cannabis sativa, e cila u sekuestrua në cilësinë e provës materiale.

Materialet i kaluan Prokurorisë Berat, për veprime të mëtejshme procedurale.

ora news