Koreja Veriore ka lansuar dy raketa balistike më 9 tetor, duke çuar në shtatë numrin e raketave që ka testuar në dy javët e fundit.
Raketat kanë rënë në Detin e Japonisë, sipas ushtrisë së Koresë së Jugut.
Shtabi i Përgjithshëm i ushtrisë jugkoreane, i ka konsideruar këto testime si “provokime serioze”.
Garda bregdetare e Japonisë ka thënë se raketat kanë rënë jashtë zonës ekonomike të Japonisë, dhe se të dyja raketat mund të jenë nisur nga një nëndetëse.
Lajmi për testimet raketore ka ardhur disa orë pasi Shtetet e Bashkuara dhe Koreja Jugore kanë kryer stërvitjet e përbashkëta ushtarake, në të cilat është përfshirë edhe një aeroplanmbajtës me energji bërthamore.
Zyrtarë veri-koreanë kanë arsyetuar testimet e fundit raketore, duke përmendur masat për vetëmbrojtje kundër SHBA-së.
