Mbrëmjen e kaluar, në një përballje të fortë për nominim me Donaldin dhe Einxhel, këngëtarja Beatrix Ramosaj la shtëpinë e “Big Brother VIP”.
Ajo u përcoll mes lotësh nga konkurrentët dhe partneri i saj, Donald Veshaj, i cili tregoi se e kishte përgatitur veten për eleminimin e saj.
Pas daljes së Trixës, Donaldi ka biseduar me disa prej banorëve teksa është shpehur se e kishte ndjerë se mund të dilnin ai ose Beatrix.
Ndaj, gjatë këtyre ditëve kishte përgatitur veten dhe partneren për një eleminim të mundshëm.
Aktori u shpreh se po i dukej shumë çudi pa Trixën brenda në shtëpi, ndërsa pranoi se i rri mendja tek fakti si do ta presë ajo përballjen me pjesën jashtë, realitetin pasi përfundon “Big Brother VIP”.
“Sa çudi po më duket që s’është Trixa. E vetmja frikë që kam për të është pjesa jashtë, aty e kam mendjen”- është shprehur ai.
