832 individë dhe 181 subjekte janë konstatuar duke shkelur rregullat anti-Covid në 24 orët e fundit, vetëm në zonën e Tiranës, të cilët nuk janë gjobitur por thjesht janë këshilluar.
ISHSH njofton këtë të shtunë se ka intensifikuar kontrollet për të identifikuar shkelësit e rregullave të pandemisë. Sipas njoftimit, janë 10013 monitorime në terren, si rezultat i të cilave, janë gjetur 832 individë pa maska dhe 181 subjekte.
Së fundmi, ISHSH bën me dije se inspektimet dhe monitorimet e inspektorëve shëndetësorë do të vijojnë pa ndërprerje në terren për ndërgjegjësimin e subjekteve dhe individëve me qëllim parandalimin e përhapjes së koronavirusit COVID19 dhe ruajtjen e shëndetit të qytetarëve.
Njoftimi i plotë:
COVID19/ 1013 monitorime, 832 individë dhe 181 subjekte të këshilluar dhe monitoruar për vendosjen e maskës dhe zbatimin e masave për parandalimin e përhapjes së COVID-19 vetëm sot në qytetin e Tiranës.
6 shkurt 2021 – Inspektorati Shtetëror Shëndetësor ka intensifikuar kontrollet dhe monitorimet në terren për mbajtjen e maskave dhe zbatimin e masave për parandalimin e përhapjes së COVID-19. Në bashkëpunim me Policinë e Shtetit, në Tiranë u këshilluan 832 individë për mbajtjen e maskës dhe u monitoruan 181 subjekte të ndryshme për zbatimin e masave për parandalimin e përhapjes së COVID-19.
Nga fillimi i vitit 2021 janë kryer 76 928 inspektime dhe monitorime në subjekte të ndryshme dhe janë këshilluar 55 896 individë.
1 Masë Administrative me gjobe dhe 33 Vendime të Ndërmjetme per mbyllje aktiviteti janë marrë për subjekte të cilët janë konstatuar në shkelje të ligjit.
Inspektimet dhe monitorimet e inspektorëve shëndetësorë do të vijojnë pa ndërprerje në terren për ndërgjegjësimin e subjekteve dhe individëve me qëllim parandalimin e përhapjes së koronavirusit COVID19 dhe ruajtjen e shëndetit të qytetarëve.
(E.H/Faxweb.al)
