Në prag të festave të nëntorit, në muajin e flamurit, emocioni patriotik më së shumti ndihet matanë kufijve.
Gjendemi në Gjermani, në qytetin verior të Bocholdit. Falë organizimit të shoqatës Shqiptaro Gjermane, fëmijët shqiptar kanë mundësi të mbajnë gjallë gjuhën dhe traditën shqiptare.
150 fëmijë, në qytetin e vogël të Bocholdit, 3 herë në javë studiojnë gjuhën dhe leximin shqip, duke ruajtur në njëfarë mënyre lidhjen me vendin tonë.
Teuta, është mësuesja që prej disa vitesh, është punësuar nga shteti Gjerman për ti dhënë mësim këtyre fëmijëve.
Fëmijët, të veshur kuq e zi, me kostume e motive shqipe, edhe pse nuk kanë lindur në Shqipëri e prindërit kanë vite të larguar, mbajnë gjallë dhe të fortë atdhedashurinë.
E në një kohë që shkollat në Shqipëri varfërohen cdo vit, nga kurrikula apo edhe fëmijët, shqiptarët e diasporës, nuk e harrojnë pasurinë më të madhe, atdhedashurinë, lidhjen me kombin, e këtë mundohen tua kalojnë edhe fëmijëve.
