Shpallet në kërkim 23 vjeçari Eno Jazaj. Ky i fundit në rrugën “Veledin Kollozi” në Vlorë ka tentuar të shtypë qëllimisht me makinë një të ri.
“Specialistët e Hetimit të Krimit në Komisariatin e Policisë Vlorë bënë shpalljen në kërkim të shtetasit E. J., 23 vjeç, banues në lagjen “Partizani”, Vlorë, sepse më datë 06.01.2022, në rrugën “Veledin Kollozi”, ka kanosur shtetasin E. A., duke tentuar ta përplas me automjetin e tij. Vijon puna për kapjen e tij”, thotë policia.
Si ka ndodhur ngjarja? Siç shihet nga videoja e siguruar nga abcnews.al, 23 vjeçari teksa ka qenë duke drejtuar makinën luksoze e tipit GLE ka tentuar të shtypë të riun me xhup blu, por ky i fundit është shmangur me shpejtësi.
Bashkë me të riun me xhup blu i cili duket se ka qenë “shënjestra”, i rrezikuar ishte edhe një djalë tjetër. Të dy e kanë sulmuar shoferin që ishte brenda makinës, madje shihet nga videoja djali me xhupin ngjyrë blu ka një send në dorë, që duket si thikë.
Pas përplasjes nga makina me 2 të rinjtë, shoferi është larguar dhe është ende në arrati. Nuk dihet nëse mes të rinjve ka pasur ndonjë konflikt të mëparshëm
