Një 29-vjeçar, i cili ishte shpallur në kërkim për tentativë vrasje, ka rënë në prangat e policisë së Shkodër. Burime zyrtare nga policia bënë me dije se pas hekurave ra shtetasi me Brisel Kurtmetaj, banues në lagjen “Guerrile”, Shkodër.
Ky shtetas ishte shpallur në kërkim pasi në muajin gusht të vitit 2020, pas një konflikti të çastit, ka tentuar të vrasë me armë zjarri shtetasin me inicialet S. B. Si pasojë e të shtënave është plagosur lehtë shtetasi me inicialet D. Q., kalimtar i rastit.
NJOFTIMI I POLICISE
Ndalohet një 29-vjeçar i shpallur në kërkim, që tentoi të vriste me armë zjarri, një shtetas, pas një konflikti të çastit, në vitin 2020. Specialistët e Seksionit për Hetimin e Krimeve ndaj Personit ekzekutuan masën e sigurisë “Arrest në burg”, të caktuar nga Gjykata e Rrethit Gjyqësor Shkodër, për veprat penale “Vrasja me dashje” mbetur në tentativë, “Prodhimi dhe mbajtja pa leje e armëve luftarake dhe e municionit” dhe “Prishja e qetësisë publike”, për shtetasin:
-B. K.(G.), 29 vjeç, banues në lagjen “Guerrile”, Shkodër.
