rajneri i Barcelonës, Ronald Koeman, është shprehur pesimist për shpresat e ekipit të tij për të korrur sukses në Ligën e Kampionëve këtë sezon, duke e pranuar se katalonasit nuk janë në nivelin e ekipeve kryesore.
Duke folur për media para ndeshjes kundër Benficës të mërkurën, Koeman e pranoi se Barcelona nuk ka ndonjë shpresë për ta fituar trofeun më të çmueshëm evropian për klube.
Pas një fillimi të tmerrshëm të grupit, pasi u humb dhe u turpëruar përsëri nga Bayern Munich në Camp Nou, skuadra e Koeman do të përpiqet të kthehet në binarë kundër Benficës në Lisbonë.
“Duhet të jemi realistë, tani për tani, me ndryshimet që i kemi bërë në ekip, është tejet e vështirë të jemi në nivelin e ekipeve kryesore”, tha Koeman.
Trajneri holandez foli edhe për rikthimin e Ansu Fatit nga lëndimi dhe golin e tij të parë pas 11 muajsh jashtë fushës.
“(Ansu Fati) ishte shumë i lodhur të hënën, emocionet e kishin ndikimin e vet. Të martën, ai stërviti pa ndonjë problem”, tregoi ai.
“Ne duam t’i japim më shumë minuta atij, por nuk e them dot para ndeshjes se sa minuta do të luajë ai”, shtoi Koeman.
Express/
