Brenda kësaj jave 5 deputetë do të dorëzojnë mandatin ,që të mund të regjistrohen si kandidatë për kryetarë bashkie pranë KQZ-së të hënën.
Partia Socialiste do të sakrifikojë vetëm dy ligjvënës për të provuar fitore lokale në Shkodër dhe në Gramsh.Rriskun më të madh e ka marrë Benet Beci i cili po ngulmon të fitojë një bashki të cilën socialistët nuk e kanë fituar kurrë. Por largimi i tij risjell në skenë Ilir Beqajn. Ai do të marrë një biletë nga Komisioni Qendror i Zgjedhjeve për t’u rikthyer në Kuvend, sepse është kandidati i 4-t më i votuar. Ky rezultat e la jashtë parlamentit në vitin 2021, ku Beqaj u bë i vetmi drejtues politik qarku i PS-së që nuk siguroi dot karrigen e tij.
Në qarkun Shkodër do të ketë ndryshime deputetësh edhe nga Partia Demokratike.
Sali Berisha ka konfirmuar kandidimin e Zef Hilës për Vaun e Dejës, duke i siguruar një mandat Ludovik Hasanit, teksa Bardh Spahia do ta refuzojë mundësinë për tu ribërë deputet, në përpjekje për të mbajtur bashkinë.
Grupi i Alibeajt mund të kandidojë në Malësi të Madhe deputetin Ramadan Lika, gjë e cila ende nuk është konfirmuar, por nëse ndodh, kjo do të rikthente në Parlament Izmira Ulqinakun.
Në Elbasan, PS do të ketë deputet të ri Shkëlqim Bullarin, i cili zë vendin e Besjan Ajazit që do të garojë për Gramshin.
Vendi i Luciano Bocit që për llogari të Partisw Demokraike garon në Elbasan, do ta zërë Qani Xhafa.
Nëse lëvizjet për socialistët nuk kanë ndonjë domethënie të madhe, prurjet e reja nga lista e demokratëve lënë vend për monitorim se në cilin kamp do të anëtarësohen ata: në Seli me Berishën, apo tek Alibeaj ku është vula.
LËVIZJA E DEPUTETËVE
PARTIA SOCIALISTE
Benet Beci Ilir Beqaj
Besjan Ajazi Shkëlqim Bullari
PARTIA DEMOKRATIKE
Luçiano Boçi Qani Xhafa
Belind Këlliçi Asllan Dogjani
Zef Hila Ludovik Hasani
GRUPI ALIBEAJ
Ramadan Lika Izmira Ulqinaku
