Pavarësisht se nuk është arritur një marrëveshje mes dy grupimeve brenda PD që mund të rregullonte mënyrën e kandidimit në zgjedhjet lokale të 14 majit dhe kandidatët që do të hynin në garë, dega e Partisë Demokratike të Vaut të Dejës ka propozuar një kandidat të dalë nga Primaret për të kandiduar për këtë bashki.
Zef Hila është emri i propozuar, ndërkohë që lajmi është bërë i ditur nga një postim në Facebook që kjo degë ka bërë.
Në postim sqarohet se propozimi për Zef Hilën do t’u përcillet me shkrim Enkelejd Alibeajt, Jorida Tabakut dhe Gazment Bardhit.
Postimi:
Pas informimit nga kryetari i degës z. Gentian Ndoj mbi diskutimet e zhvilluara nga Kolegji i Kryetarëve në datën 6 Mars 2023, dhe në vijim të diskutimeve të zhvilluara, Kryesia e Degës së PD Vau Dejës mbështet plotësisht thirrjen e organeve drejtuese për të dalë me një kandidat unik në zgjedhjet vendore të 14 Majit 2023.
Duke pasur në konsideratë deklaratën e kryetarit në detyrë z. Enkelejd Alibeaj që në këtë proçes do të merren në konsideratë si kandidaturat e dala nga proçesi i primareve të organizuara në vitin 2021, ashtu edhe proçesi i primareve të organizuara në vitin 2022 nga Komisioni i Rithemelimit, konstatojmë se deputeti i zonës z. Zef Hila, është kandidatura e vetme që ka marrë mbështetjen me votë në të dy këto proçese.
Prandaj, në emër të PD Vau Dejës shprehim vullnetin tonë të plotë për të mbështetur z. Hila si kandidat unik të të gjithë demokratëve të Vau Dejësit për zgjedhjet vendore të 14 Majit. Për shkak të kontributit dhe mbështetjes së tij në zonë, jemi të bindur se z. Hila është një kandidaturë fituese.
Këtë propozim, Kryesia e PD Vau Dejës do t’ia përcjell me shkrim z. Enkelejd Alibeaj, znj. Jorida Tabaku dhe z. Gazment Bardhi, si përfaqësues të organeve drejtuese të PD-së. Mbetemi të bindur që vullneti i strukturave drejtuese të PD Vau Dejës do të respektohet, në funksion të fitores së bashkisë dhe bashkimit të demokratëve.
https://www.facebook.com/plugins/post.php?href=https%3A%2F%2Fwww.facebook.com%2Fpermalink.php%3Fstory_fbid%3Dpfbid02cTsGBh3g67w46QvgxF49uQvh7dQtV8giGqoUKzMMS1b2HMLE54KTpaXVBMA2wTyXl%26id%3D100064977240389&show_text=true&width=500
Ndërkohë PD-ja e Vaut të Dejës që përfaqëson selinë blu, njoftoi se më 14 mars do të bëhet prezantimi i kandidatit fitues të primareve për Kryetar të Bashkisë Vau Dejës z. Zef Hila dhe në të do të marrë pjesë edhe Kryetari i Partisë Demokratike të Shqipërisë, Prof. Dr. Sali Berisha.
Njoftimi
Të nderuar qytetarë të Bashkisë Vau Dejës,
Kemi kënaqësinë t’ju ftojmë të merrni pjesë, Ditën e Martë, datë 14.03.2023, në orën 18:00, në takimin që Partia Demokratike Dega Vau Dejës organizon, për të bërë prezantimin e kandidatit fitues të primareve për Kryetar të Bashkisë Vau Dejës z. Zef Hila.
Ju njoftojmë se në takim do të na nderojë me praninë e tij, Kryetari i Partisë Demokratike të Shqipërisë, Prof. Dr. Sali Berisha.
Jemi të bindur se zgjedhjet e 14 Majit do të jenë vendimtare për të bërë ndryshimin që presim në drejtimin e Bashkisë Vau Dejës, dhe ne të gjithë jemi pjesë e këtij ndryshimi, për t’i kthyer shpresën çdo banori të Bashkisë Vau Dejës se bashkia është në shërbim të tyre!
Takimi do të mbahet pranë Bar Restorant Bledi, Shelqet, Bashkia Vau Dejës.
Ju mirëpresim me besimin se pjesëmarrja juaj është vlerësim për të gjithe ne dhe për të ardhmen e Bashkisë tonë!
Partia Demokratike, Dega Vau Dejës
https://www.facebook.com/plugins/post.php?href=https%3A%2F%2Fwww.facebook.com%2Fpermalink.php%3Fstory_fbid%3Dpfbid0x28BTpd7ZkU2DUCmgQA3wLJrR1HMhghG4VKgZGUvuMuacBR9QuifaqeWEwhsApqrl%26id%3D100083951622479&show_text=true&width=500