Detaje të reja janë zbuluar nga operacioni i Policisë së Shtetit, i cili raportohet se është finalizuar pasditen e sotme me urdhër të Strukturës së Posaçme kundër Korrupsionit dhe Krimit të Organizuar. Por duket se kryetari i Bashkisë së Bulqizës, Lefter Alla, nuk është i vemti që ka përfunduar në pranga.
Së bashku me Allën janë shoqëruar edhe disa zyrtarë të Bashkisë së Bulqizës, që kanë qenë anëtarë të komisioneve për tendera publikë, ku edhe dyshohet se ka pasur shkelje dhe korrupsion. Arrestimi i tij vjen në një periudhë ku jemi 60 ditë nga zhvillimi i zgjedhjeve lokale që do të mbahen më 14 Maj, por para se të bëhet zgjedhja e kreut të ri, do të duhet që fillimisht të gjendet zëvendësuesi i tij.
Prokuroria e posacme tregohet mjaft e rezevuar lidhur me urdhër arrestin ndaj kryebashkikut të Bulqizës, pasi operacioni ështe ende në vijim. Por, burime të rezevuara pranë strukturës antikorrupsion bëjne me dije se me urdhër të agjenteve të byrosë kombëtare të hetimit janë shoqëruar edhe disa zyrtarë të Bashkisë së Bulqizës. Sipas po të njëjtave burime mësohet se ata kanë qenë anëtarë të komisioneve për tendera publikë. Dyshohet se ata kanë abuzuar me dhënien e temderave në bashkëpunim me kryebashkiakun. Pritet që spak të dalë nesër me deklaratë zyrtare lidhur me këtë cështje.
