Zbardhen detaje të reja nga ngjarja në Fresk ku një sasi tritoli shpërtheu në derën e banesës së një 65-vjeçari. Ky i fundit është babai i Leonard dhe Erlis Dukës.
Muharrem Dukës i është vënë lënda plasëse teksa për pasojë ka pasur vetëm dëme materiale.
Leonard dhe Erlis Duka janë emra të njohur për drejtësinë shqiptare.
Leonard Duka u arrestua në shkurt në Belgjikë ndërsa vëllai i tij Erlis vijon të jetë në kërkim. Te dy jane te akuzuar per vrasjen e ish policit Santiago Malko.
Leonard Duka ishte shpallur në kërkim ndërkombëtar nga ZQK Interpol Tirana, pasi Gjykata e Posaçme Kundër Korrupsionit dhe Krimit te Organizuar i ka caktuar masën e sigurisë “Arrest në burg”, për kryerjen e veprave penale “Vrasja me paramendim” dhe “Mbajtja pa leje dhe prodhimi i armëve, armëve shpërthyese dhe municionit luftarak”, të kryera në formën e grupit të strukturuar kriminal.
Ai gjithashtu dyshohet se është një nga autorët e vrasjes së ish efektivit Santiago Malko, ngjarje kjo e ndodhur në gusht të viti 2019, në rrugën “Xhanfize Keko”, Tiranë.
