Një tjetër ngjarje e rëndë është shënuar në Itali. Pak ditë pasi një i moshuar humbi jetën nga thumbimi i një grerëze, mediat italiane raportojnë se një djalë 9-vjeçar gjerman vdiq nga shoku anafilaktik i shkaktuar nga një pickim grerëzash.
Fëmija ishte me pushime me familjen e tij, babain, nënën dhe motrën 6-vjeçare dhe u pickua mbrëmjen e së hënës në qafë. Helmi që hyri në gjak shkaktoi arrest të menjëhershëm kardiak.
Ai u shtrua në Urgjencën e Spitalit të Fëmijëve të Alessandria-s, ku u deklarua vdekja e trurit, ndërsa organet e tij do të jepen për dhurim. Familja e vogëlushit po kalonte pushimet në një nga ambientet e kooperativës Valli Unite.
Mjekët u shpjeguan prindërve se edhe nëse pickimi do të kishte ndodhur pak metra larg spitalit, nuk do të kishin bërë asgjë për të voglin.
