Një ngjarje e rëndë është shënuar mbrëmë pas mesnate në qytetin e Pejës.
ku në rrugën “Bill Clinton” një veturë goditi për vdekje një këmbësor dhe pastaj u largua nga vendi i ngjarjes, raporton Gazeta Sinjali.
Viktima e këtij aksidenti tragjik është 41-vjeçari, Shpejtim Gashi, i cili nuk mundi t’i bëj ballë plagët.
Përveç Policisë së Kosovës, vdekjen e tij e kanë konfirmuar edhe familjarët.
“Me datë 26. 11. 2023 rreth orës 00:47 kemi pranuar informatën se në rrugën Bill Klinton në Pejë, ka ndodhur një aksident trafiku me pasoja fatale.
Në këtë aksident kanë qenë të përfshirë, një këmbësor dhe një veturë e cila ka ikur nga vendi i ngjarjes.
Si pasojë e aksidentit lëndime të rënda trupore ka pësuar këmbësori i cili nuk ka arrite të përballoji plagët dhe i njëjti ka ndërruar jetë.
Vdekjen e tij e ka konstatuar mjeku kujdestarë”, thuhet në njoftimin e PK-së.
Trupi i pajetë i 41-vjeçarit është dërguar për obduksion në IML, ndërsa policia po punon në identifikimin e automjetit të përfshirë në aksident si dhe në kërkim të ngasësit të automjetit.
