Pamjet që shihni tregojnë vendin ku ndodhi shpërthim me lëndë plasëse në një lokal në Razëm të Malësisë së Madhe. Fotoja është siguruar për BalkanWeb nga gazetari Senad Nikshiqi. Lokali në fjalë është në pronësi të Ferdi Stërkaj, kryetar i Rithemelimit të PD Malësi e Madhe, ish-kryetar i ish-komunës Shkrel. Policia po punon për identifikimin dhe kapjen e autorit/autorëve.
Ferdi Sterkaj u zgjodh më 19 maj kryetar i rithemelimit të PD në Malësi të Madhe ndërsa ishte kandidat i vetëm në listë, pasi kandidatët e tjerë u dorëhoqën
Njoftimi i policisë:
Rreth orës 08:50, në fshatin Razëm, dyshohet se është hedhur lëndë plasëse tek reklama, në afërsi të lokalit të shtetasit F. S. Si pasojë e shpërthimit të saj janë shkaktuar vetëm dëme materiale.
Grupi hetimor po kryen veprimet në vendngjarje, për sigurimin e provave, me qëllim identifikimin dhe kapjen e autorit/ve.
(BalkanWeb)
