Ka nisur seanca në Gjykatën e Apelit për Fredi Belerin. Mësohet se Beleri është paraqitur në seancë bashkë me Pandeli Kokaveshin.
Në këtë seancë avokatët e Belerit janë shprehur: “Çështja është caktuar në mënyrë manuale këtij trupi gjykues dhe nuk është zgjedhur me short. Në këto kushte veprimi procedura është i pavlefshëm, pasi relatori caktohet me short. Kërkojmë përjashtimin e gjyqtares Daniela Shirka në cilësinë e kryesueses, sepse nuk jeni caktuar me short. Ne do të depozitojmë kërkesë me shkrim për përjashtim”.
Beleri është i dënuar me 2 vjet burg për korrupsion aktiv në zgjedhje.
Pas zgjedhjes si eurodeputet nga listat e kandidatëve të partisë “Nea Demokracia” në Greqi, Fredi Beleri ka krijuar një ngërç politik edhe ligjor.
