Një gjyqtare femër është pezulluar përjetësisht nga futbolli, pasi dyshohet se kryente marrëdhënie seksuale me një zyrtar 37 vite më të madh, kjo pas pamjeve të publikuara në rrjet.
Elif Karaarslan, 24 vjeçe, ka arbitruar ndeshje në Turqi që kur lëndimi e detyroi të linte futbollin.
Por Federata e Futbollit të Turqisë, e ka ndaluar atë përgjithmonë pasi thuhet se ajo u filmua duke kryer marrëdhënie me vëzhguesin e arbitrave Orhan Erdemir.
Ish-zyrtari i FIFA-s, Erdemir, 61 vjeç, ka marrë një dënim të ngjashëm nga TFF.
Elif e lindur në Stamboll, e cila ka 363,000 ndjekës në mediat sociale, mohoi të jetë një nga personat në pamjet e zbuluara.
Ajo synon të apelojë, duke këmbëngulur: “Do të kem një rrugë të gjatë përpara ligjërisht, por do ta kapërcej në mënyrën më të fortë. Mezi pres mbështetjen dhe dashurinë tuaj të plotë në këtë proces.
Të qash, të bërtasësh dhe të jesh i trishtuar nuk janë gjëra që do të bëja. Nuk jam unë. Unë do të qëndroj pranë kauzës sime deri në fund. Unë jam vetëm një nga shumë që po dëmtohen, shpresoj të jem i fundit.”
Elif ka luajtur për Besiktas para se të bëhej gjyqtare. Ndërkohë, Erdemir pretendoi se videoja ishte shpërndarë pa lejen e tij, por pranoi se karriera e tij tani ka përfunduar.
Ai tha: “Nderi im në familjen time, rrethin tim shoqëror dhe komunitetin e arbitrave është marrë në erë. Përveç humbjeve financiare, dëmi emocional që kam pësuar është i papërshkrueshëm”.
Erdemir ishte një arbitër i FIFA-s midis viteve 1999 dhe 2002. Ai gjithashtu mori përgjegjësinë për lojërat në Super Ligën e Turqisë përpara se të bëhej vëzhgues i kolegëve të tij zyrtarë.
