Një vjazë shqiptare ka humbur jetën pasi është qëlluar për vdekje nga partneri i saj. Ilaria Sula rezultonte e zhdukur prej një jave ndërsa sot prindërit mësuan se vajza e tyre ka vdekur. Trupi i 22-vjeçares është gjetur në një valixhe dhe e hedhur në një zonë të pyllëzuar disa kilometra nga Roma.
Familja e Ilaria Sulës kishte mbërritur në Itali nga zona e Lushnjes, për të nisur një jetë të re. Mamaja, G. Sula, punon si pastruese, ndërsa i ati, F. Sula në një kompani ndërtimi. Ata jetojnë në një shtëpi pranë stadiumit në Terni, bashkë me fëmijën e dytë, djalin 19-vjeçar L. Sula.
Pas zhdukjes së vajzës, mamaja e saj e kishte parandjerë se diçka e keqe kishte ndodhur, ndërsa ka rrëfyer:
“Menjëherë e kuptova se ishte diçka e keqe sepse ajo zakonisht bënte telefonata me video dhe nuk i përdorte mesazhet e thjeshta. Më pas fola me shoqet me të cilat jetonte dhe bashkë me burrin vendosëm ta denoncojmë menjëherë zhdukjen e saj.
E di që hetimet çuan menjëherë te djali që Ilaria kishte lidhje në të shkuarën, por dimë shumë pak për të”.
