Electronics sot njoftoi se të gjitha modelet e televizorëve The Terrace, linja premium e produkteve të dizajnuara për argëtimi në ambientet e jashtme, janë bërë të parat në industrinë e televizorëve që verifikohen për performancën e vizibilitetit të jashtëm.
Ky verifikim vjen nga Laboratorët Underwriters me bazë në Sh.B.A (UL), një organizatë globale e pavarur e shkencës së sigurisë, me mbi një shekull përvojë në inovacionin e zgjidhjeve të sigurisë.
Në ambientet e jashtme, konsumatorët duhet të gjejnë mjete për të bllokuar rrezet e diellit në mënyrë që të arrin vizibilitetin e duhur, i cili ka qenë një problem kryesor në kategoritë e produkteve të ngjashme. Për të marrë këtë verifikim, një produkt duhet t’i nënshtrohet disa raundeve të testimit rigoroz, në të cilin niveli maksimal i ndriçimit mbi 3,000 ~ 4,000 nit, një raport më i lartë kontrasti mbi 1,000:1 dhe vëllimi i ngjyrës më i madh se 80 përqind duhet të arrihen të gjitha së bashku nën kushtin 10,000 LUX. Televizori Terrace ka shfaqur performancë të jashtëzakonshme në këto tre pika kryesore në mënyrë që shikuesit të mund të shijojnë imazhe të qarta edhe në ambiente me dritë.
Ai gjithashtu ka ekranin premium Samsung QLED, teknologji anti-refleks e cila zvogëlon reflektimin e dritës nga sipërfaqja e saj, si dhe teknologji të optimizimit të cilësisë së figurës AI për rregullimin automatik të ndriçimit.
Përveç Samsung OH55A, një produkt i sinjalistikës në natyrë që përdor të njëjtat teknologji të vizibilitetit të jashtëm si televizori The Terrace, gjithashtu mori verifikimin Outdoor Visibility.
Samsung gjithashtu njeh rëndësinë e rezistencës ndaj kushteve të motit, kundër shiut dhe pluhurit, në modelet e televizorëve për ambientet e jashtme. Kompania mori certifikimin standard IP55, të rezistencës ndaj ujit dhe pluhurit nga Komisioni Ndërkombëtar Elektroteknik (IEC), i cili së bashku me verifikimin e fundit UL do të luajë një rol kryesor në forcimin e përpjekjeve të Samsung për të siguruar një përvojë optimale të shikimit në kushte të ndryshme të ambienteve të jashtme.
“Verifikimi Outdoor Visibility i UL për The Terrace do t’u mundësojë konsumatorëve anembanë globit që të shtojnë më tej vlerat në përvojat e tyre të shikimit”, tha Yong Hoon Choi, Zëvendës President i Departamentit Vizual në Samsung Electronics. “Si udhëheqës në industrinë e televizorëve, Samsung do të vazhdojë të zhvillojë teknologji inovative që janë të optimizuara për stilet e reja të jetesës dhe ato në zhvillim “.
geek room
