Plagos me mjet të mprehtë një shtetas, gjatë një konflikti të çastit, arrestohet autori.
Specialistët për Hetimin e Krimit në Komisariatin e Policisë Tropojë arrestuan shtetasin; B. M., 53 vjeç, banues në fshatin Dragobi.
Në qytetin e Bajram – Currit, ky shtetas dyshohet se pas një konflikti të çastit për motive të dobëta, ka plagosur me mjet të mprehtë shtetasin P. M., 27 vjeç, banues në fshatin Gri, i cili ndodhet në Spitalin e Tropojës nën kujdesin e personelit mjekësor, jashtë rrezikut për jetën.
Materialet i kaluan Prokurorisë së Rrethit Gjyqësor Tropojë, për veprat penale ” Plagosja e rëndë me dashje”, dhe “Mbajtja pa leje e armëve të ftohta”.
