Presidenti francez Emmanuel Macron ka refuzuar kërkesën e Rusisë që gazi rus të paguhet me monedhën e Kremninit, rubla.
Ndërkohë Evropa po përpiqet të zvogëlojë varësinë e saj nga gazi rus për shkak të pushtimit të Ukrainës.
Në fillim të kësaj jave, presidenti rus Vladimir Putin tha se dëshiron që vendet “jomiqësore” të Rusisë të blejnë gazin e saj me rubla.
Lëvizja mendohet se synon të nxisë rritjen e monedhës ruse, e cila ka humbur mbi 20% në vlerë këtë vit, shkruan BBC.
“Të gjitha marrëveshjet që janë nënshkruar janë të qarta. Kjo është e ndaluar,” tha Macron në një konferencë shtypi pas një samiti të Bashkimit Evropian në Bruksel.
“Firmat evropiane që blejnë gaz dhe që operojnë në territorin evropian duhet ta bëjnë në euro. Prandaj nuk është e mundur të bëhet ajo që kërkohet, nuk është kontraktuale”, tha Macron./abcnews.al/
