Presidenti ukrainas Volodymyr Zelensky foli me anë të të një video-mesazhi të postuar në Facebook të mërkurën në mbrëmje më 30 mars.
Negociatat me Rusinë janë duke vazhduar, por janë “vetëm fjalë”, tha presidenti ukrainas Volodymyr Zelensky në një video-mesazh të postuar në mediat sociale të mërkurën mbrëma. “Po, ne kemi një proces negociatash, por ato janë vetëm fjalë, pa asgjë konkrete”, tha Zelensky.
Janë të tjera fjalë për tërheqjen e supozuar të trupave ruse nga Kievi dhe Chernihiv dhe reduktimin e aktiviteteve të pushtuesve në këto territore. Kjo nuk është një tërheqje, ky është rezultat i luftës së mbrojtësve tanë, të cilët i kanë zmbrapsur ata”, tha ai.
Donbasi në gatishmëri: Zelensky tha se trupat ruse po përqendrohen në rajonin e Donbasit për sulme të reja, duke shtuar se ukrainasit janë “gati për t’i pritur”.
“Ne nuk do të japim asgjë dhe do të luftojmë për çdo metër të tokës sonë”, tha ai.
Thirrja e Bidenit: Zelensky tha se kishte një telefonatë njëorëshe me Presidentin amerikan Joe Biden dhe e falënderoi atë për 500 milionë dollarë shtesë në ndihmë për Ukrainën.
Zelensky tha se mbështetja e SHBA-së është thelbësore për Ukrainën, duke shtuar: “Nëse duam të luftojmë për lirinë së bashku – atëherë kërkojmë nga partnerët tanë që të ndihmojnë dhe nëse vërtet po luftojmë për lirinë dhe mbrojtjen e demokracisë vetë, ne kemi të gjitha të drejtat për të kërkuar ndihmë në këtë moment të vështirë vendimtar. Ne kemi nevojë për tanke, avionë luftarakë, artileri… Liria nuk duhet të armatoset më keq se tirania.”
Sipas Shtëpisë së Bardhë, Biden dhe Zelensky “diskutuan se si Shtetet e Bashkuara po punojnë gjatë gjithë kohës për të përmbushur kërkesat kryesore të ndihmës për sigurinë nga Ukraina, efektet që ato armë kanë pasur në konflikt dhe përpjekjet e vazhdueshme të Shteteve të Bashkuara me aleatët dhe partnerët për të identifikuar mundësi të reja për të ndihmuar ushtrinë ukrainase të mbrojë vendin e saj.”
