Është ora 7 e mëngjesit në Kiev. Ja çfarë duhet të dini
Ndërsa presidenti rus Vladimir Putin i shpalli përpjekjet për të pushtuar Mariupolin një “sukses” dhe urdhëroi forcat e tij të ndalonin jashtë fabrikës së rrethuar të çelikut Azovstal të qytetit, Presidenti i SHBA Joe Biden tha të enjten se ishte “e dyshimtë” nëse qyteti kishte rënë. Ndërkohë, rreth dhjetëra mijëra civilë në Mariupol mbeten të bllokuar nga sulmet ajrore dhe tokësore me pak mundësi për t’u evakuuar në mënyrë të sigurtë dhe imazhet satelitore tregojnë prova të varrezave masive jashtë qytetit.
Këtu janë zhvillimet më të fundit mbi luftën e Rusisë në Ukrainë:
Rrethimi i Mariupolit, një “operacion terrorist”, thotë Zelensky: Presidenti ukrainas Volodymyr Zelensky tha të enjten se “mijëra” civilë mbeten të bllokuar brenda Mariupolit, pasi ai e krahasoi rrethimin rus me një “operacion terrorist”. Zyrtarët ukrainas të martën identifikuan gjithashtu vendndodhjen e varrezave masive të dukshme jashtë qytetit, pretendime të përforcuara nga publikimi i imazheve satelitore të mbledhura dhe të analizuara nga Maxar Technologies
Evakuimet nga Mariupoli po ecin ngadalë, thotë zvskryeministrja: Evakuimi i civilëve po shkon “shumë ngadalë”, sipas zëvendëskryeministres së Ukrainës, mes sulmeve intensive nga forcat ruse. “Nga ana ruse, gjithçka është shumë e ndërlikuar, kaotike, e ngadaltë dhe sigurisht, e pandershme, “tha Iryna Vereshchuk në Telegram. Komandantët ukrainas në terren kanë thënë se forcat ruse nuk kanë respektuar marrëveshjet për të hapur korridoret e evakuimit apo për të zbatuar armëpushimet.
Ukraina pretendon se u dhanë urdhra nga rusët për të vrarë të burgosurit: Inteligjenca ushtarake e Ukrainës lëshoi të mërkurën një përgjim të komunikimit të forcave të armatosura ruse duke iu referuar një urdhri të supozuar për të vrarë të burgosurit ukrainas të luftës në qytetin Popasna në rajonin lindor të Luhanskut, i cili po mban peshën kryesore të sulmit të rinovuar të Rusisë. Duket se shfaq ushtarët rusë që thonë: “Mbani më të moshuarit mes tyre dhe lërini të tjerët të ikin përgjithmonë. Le të ikin përgjithmonë, dreqin, që askush të mos i shohë më, as të afërmit.”
Vendet fqinje thonë se Rusia kreu gjenocid: Parlamenti i Estonisë dhe Letonisë miratuan deklarata të enjten duke thënë se Rusia ka kryer gjenocid në Ukrainë, duke përmendur varrezat masive dhe mizoritë e zbuluara në zonat që kur u liruan nga forcat ruse.
Aneksimet do ta gjymtojnë Rusinë, thotë Zelensky: Zelensky paralajmëroi Rusinë të enjten se çdo përpjekje për aneksim – e ngjashme me Krimenë ose të ashtuquajturat republika separatiste në lindje të vendit – do të çojë në sanksione që do ta lënë Rusinë po aq të varfër sa ishte pas luftës civile të saj të vitit 1917. “Dua aë them prerë: s’ka ‘Republikë Popullore Kherson’ ” tha ai.
SHBA i dërgon më shumë ndihmë Ukrainës: Biden njoftoi një ndihmë ushtarake shtesë prej 800 milionë dollarësh për Ukrainën. Paketa e re do të përfshijë artileri të rëndë dhe dronë, tha ai të enjten, së bashku me municione.
