Abaz Xhelili, babai i Orges Xhelilit, autori i cili plagosi me thikë kryetarin e bashkisë së Divjakës Fredi Kokoneshin dhe shoferin e tij u shpreh se nuk kishte informacion se djali kishte probleme të tilla.
“Problem, ça problemi e hoqi nga puna, po 1 vit. Ka qenë student i mirë, absolut. Nuk na kishte thënë gjë, ditën e hënë do ishte në punë në Tiranë si inxhinier elektronik. Shkonte në punë . Ka mbaruar të lartën për inxhinieri elektronike, absolut. Nuk e marr vesh, por si arritën këto shqetësime djalit jam çuditur. Ne dy çuna kemi, i kemi pasur ekselentë”, tha ai.
Sot pritet të jepet masa e sigurisë për Orges Xhelinin, ndërkohë i ati theksoi se djali i tij nuk ka pasur probleme. Ai bëri thirrje që drejtësia të zbardhë të vërtetën e ngjarjes.
“Të dalë drejtësia, sepse djali ska pasur probleme. Se si e ka bërë”, theskoi ai.
