Një 54-vjeçar është arrestuar nga Policia e Delvinës, pasi azkuzohet për kultivim të bimëve narkotike.
Bëhet me dije se në pranga ka rënë shtetasi Hektor Hakarepi, 54 vjeç, banues në fshatin Bamatat, Delvinë.
Gjatë kontrollit në oborrin e banesës së këtij shtetasi, efektivët e Policisë gjetën dhe sekuestruan, një sasi bimësh narkotike, kanabis.
Njoftimi i Policisë:
Kultivonte në oborrin e banesës së tij bimë të dyshuara narkotike, vihet në pranga 54-vjeçari.
Në vijim të kontrolleve masive në të gjithë territorin, me qëllim parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, shërbimet e Komisariatit të Policisë Delvinë, gjatë kontrollit në fshatin Bamatat, Delvinë, përmes përdorimit edhe të dronëve, organizuan dhe finalizuan operacionin policor të koduar “Bamatati”, në kuadër të të cilit është evidentuar e goditur një rast i kultivimit të bimëve narkotike, si dhe është arrestuar në flagrancë shtetasi:
-Hektor Hakarepi, 54 vjeç, banues në fshatin Bamatat, Delvinë, për veprën penale “Kultivimi i bimëve narkotike”.
