Temperaturat e nxehta do të shoqërojnë mbylljen e verës deri në fund të gushtit, duke arritur në vlerat mbi 35 gradë.
Kjo javë ka nisur me temperatura të larta në vendin tonë. Ditën e sotme, temperatura më e lartë do të jetë 35 gradë Celsius në zonat bregdetare.
Ndërsa parashikohet akoma më shumë rritje temperaturash dhe ditët më të nxehta të kësaj jave pritet të jenë e enjtja dhe e premtja.
Sa i përket kryeqytetit, do të ketë rritje duke nisur nga e mërkura, kur temperatura do të arrijë në 40 gradë, ndërsa të enjten e të premten do të arrijë në 42 gradë celsius.
Ndërkohë, pushuesit kanë nisur të frekuentojnë plazhet. Dita e diel solli trafik të rënduar dhe bregdet të populluar, sidomos në Velipojë dhe Durrës, ku pushuesit ishin nga Shqipëria dhe Kosova.
/Burimi:TopChannel
