Vijon momenti jo pozitiv për Armando Brojën. Sulmuesi nuk shënon prej 6-të ndeshjesh rradhazi. Sulmuesi shqiptar e nisi nga stoli takimin ndaj Watford, ndërsa u zëvendësua në minutën e 90-të për shkak të një dëmtimi.
Portieri Foster i Watford bëri një dalje për të grushtuar topin, por goditi me brryl Brojën në fytyrë. Nga pamjet dukej që sulmuesi kuqezi kishte një dëmtim në sy, ndërsa trajneri i Southampton vendosi ta nxirrte nga loja për të mos rrezikuar.
Të gjithë shpresojnë që Broja të mos ketë asnjë dëmtim serioz duke parë që Kombëtarja shqiptare do të luajë këtë muaj dy ndeshje miqësore ndaj Spanjës dhe Gjeorgjisë në Tiranë.
