Një aksident i rëndë ka ndodhur ditën e sotme në Tiranë, pranë “Kodrës së Diellit” .
Bëhet me dije se në aksident është përfshirë një motor, ku ishin dy efektivë të “Shigjetave”. Siç shihet në foton e mëposhtme policët janë të shtrirë në tokë.
“Rreth orës 10:05, në rrugën “Shkëlqim Fusha”, janë përfshirë në përplasje mjeti me drejtues R. K., 40 vjeç me mjetin motorr të policisë me drejtues E. M dhe pasagjer J. D,(punonjës policie në shërbim)” njofton policia.
Nuk dihet ende gjendja shëndetësore e efektivëve, dhe as shkaqet e aksidentit.
Tiranë/Informacion paraprak
Rreth orës 10:05, në rrugën “Shkëlqim Fusha”, janë përfshirë në përplasje mjeti me drejtues R. K., 40 vjeç me mjetin motorr të policisë me drejtues E. M dhe pasagjer J. D,(punonjës policie në shërbim).
Si pasojë janë dëmtuar të dy punonjësit e policisë, të cilët u dërguan në spital dhe ndodhen nën kujdesin e mjekëve.
Grupi hetimor punon për sqarimin e rrethanave të aksidentit.
