Një person ka mbetur i vrarë mbrëmjen e sotme në Lezhë pas disa të shtënave me armë zjarri.
Mësohet se viktima është Entjan Nikulaj, i cili është qëlluar me kallashnikov mbrëmjen e sotme.
Entjan Nikulaj është djali i xhaxhait të Ardian Nikulajt, biznesmenit që u vra disa muaj më parë në Shëngjin.
Besohet se ky atentat ka ardhur si pasojë e gjakmarrjes, arsye për të cilën u vra edhe biznesmeni Nikulaj në prill të këtij viti nga një grup personash me pagesë.
Njoftimi i policisë:
Lezhë
Në vijim të informacionit paraprak të dhënë pak më parë, për ngjarjen e ndodhur në aksin rrugor Lezhë-Shkodër, ku mbeti i plagosur rëndë me armë zjarri shtetasi E. N., ju informojmë se:
Ky shtetas, si pasojë e plagëve të marra, pavarësisht ndihmës dhe trajtimit të menjëhershëm mjekësor, ka ndërruar jetë në Spitalin Rajonal të Lezhës.jë makinë e djegur është gjetur pak momente më parë në rrugën Rinasit, në vendin quajtur “Ura e Tubit’.
Dyshohet të ketë lidhje me atentatin e ndodhur mbrëmjen e sotme në Lezhë ndaj Eno Nikulajt.
Autorët e kësaj vrasjeje lëviznin me BMW me targa të vjedhura kur i bënë pritë Nikulajt, djalit të xhaxhait të Ardian Nikulajt të vrarë më prill të këtij viti.Eno Nikulaj nuk mundi t’iu mbijetojë plagëve të marra nga breshëria e kallashnikovit dhe ndërroi jetë në spital. Autorët janë zhdukur pa lënë gjurmë.
