12 kandidatë , katër gra dhe tetë burrapretendojnë çelësin e pallatit Elize, ndërsa francezët u drejtohen sot kutive të votimit në raudin e parë të zgjedhjeve presidenciale.
Presidenti francez Macron është favorit për të fituar “betejën” zgjedhore, e cila do të përfundojë me raundin e dytë më 24 prill.
Këto zgjedhje kanë një rëndësi të madhe për Francën, pasi fituesi i procesit do të formësojë rolin e vendit në një Evropë që po ndryshon në mënyrë dramatike dhe të shpejtë.
Megjithatë, megjithëse lufta në Ukrainë është një çështje jashtëzakonisht e rëndësishme, për votuesit francezë çështja kryesore është kostoja e jetesës.
Që herët në mëngjes në qendrat e votimit të ngritura në bashkitë dhe shkollat e vendit jamë hapur, ndërsa Posta Franceze konfirmon se kanë dërguar fletëpalosje me programet e kandidatëve.
Dy të parët nga 12 kandidatët do të kalojnë në raundin e dytë të zgjedhjeve presidenciale më 24 prill.
Kandidati i rizgjedhur i Emanuel Macron duket të jetë përpara me më shumë se 26%, ndërsa kundërshtarja e tij i ekstremit të djathtë Marin Lepen duket se po lëviz rreth 23%.
Por shkalla e abstenimit pritet të luajë një rol kyç, me një rritje të mundshme që mund të jetë në dëm të Le Pen dhe Melanson. Le Pen sepse votohet në masë të madhe nga punëtorët dhe punonjësit, grupe sociale me tendenca të shtuara drejt abstenimit dhe Melanson sepse votohet kryesisht nga ata nën 30 vjeç që shfaqin të njëjtat momente.
Janë 48.7 milionë francezë që do të votojnë për 12 kandidatët të dielën, ndërsa jashtë shtetit në disa zotërime franceze qendrat e votimit janë tashmë të hapura.
