Londra ka anuluar festimet e planifikuara për Vitin e Ri për shkak të rritjes drastike të rasteve me variantin Omicron.

Lajmi është njoftuar nga kryebashkiaku i Londrës, Sadiq Khan, sipas të cilit infektimet kanë arritur nivele rekord në kryeqytetin britanik.

“Me infektimet Covid-19 në nivele rekord në qytetin tonë dhe në të gjithë Mbretërinë e Bashkuar, unë jam i vendosur të bëj gjithçka që është e mundur për të ngadalësuar përhapjen e variantit të ri dhe për të siguruar që shëndeti publik të mos mbingarkohet nga ky dimër. Kjo do të thotë se ne nuk do të organizojmë më festimin e Vitit të Ri me 6500 persona në sheshin Trafalgar”, njoftoi ai.

Ai tha se qendër e festimeve të Vitit të Ri në Londër do të jetë një spektakël madhështor, të cilin qytetarët do të kenë mundësi ta shohin përmes televizorit.