Home AKTUALITET Nuk duroi më kufizimet e pandemisë, këngëtari shqiptar ndez dasmën, Policia i...

Nuk duroi më kufizimet e pandemisë, këngëtari shqiptar ndez dasmën, Policia i rrethon lokalin

16

Që prej fillimit të pandemisë së shkaktuar nga Covid 19, në mesin e aktiviteteve që ishin tërësisht të ndaluara janë dasmat, dhe ceremonitë. Veç shumë çifteve të reja që janë detyruar të mos realizojnë ëndrrën e tyre, mungesa e dasmave ka penalizuar dhe këngëtarët, të cilët tashmë duket se janë de fakto të papunë.

Në mesin e një situate të tillë, këngëtari nga Kosova Afrim Muqiqi ka vendosur dje që të këndojë në një dasmë në Lipjan, ndërsa disa video janë shpërndarë menjëherë në rrjetet sociale.

Indeksonline raporton se restoranti Diamond në Lipjan ku ishte duke kënduar Afrimi është rrethuar nga policia. Të gjthë dasmorët e pranishëm janë gjobitur nga ana e Policisë, ndërsa të njëjtin fat ka pasur dhe këngëtari Muqiqi.

Vetë këngëtari nuk ka pasur asnjë reagim derimë tani në rrjetet sociale, lidhur mbi qëndrimin që do të mbajë në vijim për ftesat që i bëhen për të qenë në dasma.