Rita Ora ka qenë në qendër të vëmendjes pas thyerjes së rregullave kundër koronavirusit. Këngëtarja shqiptare organizoi një festë të paligjshme në një restorant në Londër, por pasi skandali bëri bujë në media, ajo kërkoi ndjesë publike ndërsa pagoi dhe një gjobë prej 10 mijë paundësh.
Ndërkohë, së fundmi autorja e hitit “Anywhere” është vënë sërish në qendër të kritikave për shkak të zgjedhjeve të saj të stilit për “The Masked Singer”. Mirëpo pas reagimeve të shumta, 30-vjeçarja argumentoi se për të e rëndësishme është të ndihet rehat me veshjet që zgjedh.
“Unë me të vërtetë mendoj se stili është një gjë krejtësisht personale. Nëse dikujt nuk i pëlqen diçka që unë vesh, nuk ka pse, kjo është krejtësisht në rregull. Ajo që është e rëndësishme është që unë të ndihem e sigurt me veten. Kjo është gjithçka që ka rëndësi për mua dhe stilin tim.”, u shpreh këngëtarja për “The Sun”. /abcnews.al
