Rusia pretendoi të dielën se ka pushtuar qytetin strategjik ukrainas të Lisiçansk dhe të gjithë rajonin e vijës së parë të Luhansk, i cili do të shënonte një përparim vendimtar për forcat e Moskës që kërkonin kontrollin e lindjes së vendit.

Zhvillimi erdhi pasi Bjellorusia tha se kishte kapur raketa të lëshuara nga Kievi dhe Rusia raportoi se Ukraina lëshoi tre raketa në Belgorod, duke vrarë katër persona.

Lisiçansk kishte qenë qyteti i fundit i madh në zonën e Luhanskut të Donbasit lindor ende në duart e Ukrainës dhe kapja e tij do të sinjalizonte një shtytje më të thellë në Donbas, fokusi i Moskës që nga tërheqja nga Kievi.

Të shtunën, pati raporte kontradiktore në lidhje me statusin e Lisiçansk kur Ukraina mohoi pretendimin e Moskës se kishte rrethuar të gjithë qytetin, i vendosur përtej lumit nga fqinji Severodonjeck, të cilin forcat ruse kapën javën e kaluar.

Ukraina nuk ka komentuar ende mbi pretendimin se Lisiçansk rënë pas luftimeve intensive.

“Sergei Shoigu ka informuar komandantin e përgjithshëm të forcave të armatosura ruse, Vladimir Putin, për çlirimin e Republikës Popullore të Luhanskut”, tha ministria e mbrojtjes në një deklaratë të cituar nga agjencitë ruse të lajmeve.

Lufta në Ukrainë ka nisur më 24 shkurt nga një sulm i Rusisë dhe deri më tanin ka lënë mijëra të vrarë dhe miliona refugjatë.