Pacientët janë “në rrugë, pa kujdes” pas “evakuimeve të detyruara” të dy spitaleve palestineze, tha sot drejtori i objekteve të infermierisë në Rripin e Gazës.
“Evakuimet e detyruara të spitaleve pediatrike Al Nasr dhe Al Radisi i lanë pacientët në rrugë, pa trajtim ”, tha Mohammed Zakout. “Kemi humbur plotësisht kontaktet me personelin infermieror” të dy objekteve, shtoi ai.
Më herët, ushtria izraelite siguroi se ushtarët izraelitë hapën një vendkalim për evakuimin e civilëve, në këmbë ose me ambulanca, nga spitalet Al Shifa, Al Radisi dhe Al Nasr. Sa i përket Al Shifa, spitali më i madh i Gazës, Zaqut përshkroi një “situatë katastrofike”, duke pretenduar se “askush nuk mund të hyjë apo të dalë prej tij”.
Të shtunën vonë në mbrëmje Izraeli siguroi se ushtarët do të ndihmonin në largimin e foshnjave sot.
“Ambulancat nuk mund të arrijnë në spital, veçanërisht ato të pajisura për transportin e foshnjave. Për më tepër, asnjë spital nuk është në gjendje t’i marrë ato, kështu që ne nuk kemi asnjë indikacion që këto transferime mund të bëhen të sigurta,” shpjegoi Melanie Ward, kreu i organizatës joqeveritare Ndihma Mjekësore për Palestinezët (MAP) e cila është aktive në klinikën e neonatologjisë. të Al Shifa.
