Fox News dhe CNN ishin ndër të paktët televizione amerikane që transmetuan plotësisht fjalimin e presidentit Donald Trump  mbrëmjen e djeshme ku ai theksonte se zgjedhjet presidenciale të vitit 2020 ishin të manipuluara dhe se shumë prej votave të dërguara nëpërmjet postës ishin të paligjshme.  Shumë gazetarë nga rrjetet amerikane vendosën ta ndërpresin atë dhe t’u shpjegojnë shikuesve se ajo që po thoshte presidenti i Shteteve të Bashkuara ishte e një deklaratë e rreme.

 “Ok, gjendemi në një pozicion aspak të zakontë jo vetëm që duhet të ndërpresim presidentin e Shteteve të Bashkuara, por duhet edhe ta korrigjojmë atë”, këto janë fjalët me të cilat Brian Williams i MSNBC ka zgjedhur të ndalojë transmetimin e drejtpërdrejtë.

Shepard Smith i CNBC shpjegoi fjalimin e Trump pikë pas pike duke theksuar se deklaratat  Trump ishin të rreme”Ajo që po thotë presidenti i Shteteve të Bashkuara është absolutisht e pavërtetë”.

NBC dhe ABC News gjithashtu  shkëputën lidhjen direkte. Pasi ABC përfundoi lidhje korrespondenti i Shtëpisë së Bardhë, Jonathan Karl tha se nuk kishte  asnjë provë  për vota të paligjshme.

” Duke se ai është i zhgënjyer se procesi i numërimit të votave po zgjat më shumë se pritej. Gjithmonë është dashur kohë, por sidomos në këto zgjedhje ”, tha Karl.

CNN e mbajti Trump në transmetim por spikeri i tij theksoi se Trump po akuzon pa asnjë provë:

“Pa asnjë provë, Trump thotë se po mashtrohet. Çfarë nate e trishtuar për Shtetet e Bashkuara të Amerikës të dëgjojnë presidentin e tyre duke akuzuar në mënyrë të padrejtë për vjedhjen e zgjedhjeve. Gënjeshtër pas gënjeshtre.”

Në Fox News Channel, komentatorët Bill Bennett dhe Byron York thanë se Trump në rast të parregullsive duhet të paraqesë prova.

Të gjithë sytë janë drejtuar në Nevada, Georgia, Pennsylvania, Carolina e Veriut dhe Arizona ndërsa vazhdon numërimi i votave.