Presidenti ukrainas Volodymyr Zelensky ka mbërritur në Shtëpinë e Bardhë për t’u takuar me Presidentin e SHBA Joe Biden. Ai u përshëndet nga Biden dhe zonja e parë Jill Biden.
Dy liderët janë planifikuar të zhvillojnë një takim dypalësh. Ky është udhëtimi i parë i Zelensky jashtë shtetit që nga fillimi i luftës.
Zelensky tha se është në Uashington për të falënderuar popullin amerikan, presidentin amerikan Joe Biden dhe Kongresin për mbështetjen e tyre shumë të nevojshme.
“Unë jam sot në Uashington për të falënderuar popullin amerikan, Presidentin dhe Kongresin për mbështetjen e tyre shumë të nevojshme. Dhe gjithashtu për të vazhduar bashkëpunimin për të sjellë më afër fitoren tonë”, tha Zelensky në një postim në kanalin e tij zyrtar Telegram. /abcnews.al
