Bordi i Transparencës është mbledhur sërish dhe ka ndryshuar çmimin e karburanteve.
Në njoftimin e shpërndarë për mediat bëhet me dije se nafta është rritur me 9 lekë duke shkuar në 208 lekë/litër, nga 199 që ishte.
about:blank
Po ashtu me 12 lekë/litër është rritur edhe çmimi i benzinës i cili do të tregtohet me 189 lekë, nga 177 që ishte, ndërkohë që nuk ka ndryshuar çmimi i gazit, i cili do të vazhdojë të tregtohet me 71 lekë/litër.
Çmimet do të hynë në fuqi ditë e sotme duke filluar nga ora 18:00
Njoftimi:
Vendimet e Bordit të Transparencës në datë 17 Janar 2023 kanë ndryshime të çmimit nga ai i përcaktuar në mbledhjen e fundit.
about:blank
Referuar të dhënave lidhur me bursën Platts të datës 16.1.2023, kemi ndryshime të çmimit nga ai përcaktuar në mbledhjen e fundit, konkretisht rezulton se çmimi (FOB/MED $ Ton) i Benzinës është 842, +116 nga data 19.12.2022, $/ Ton, ndërsa çmimi i Gazoilit/Diesel është 937, +82 nga data 19.12.2022, $/Ton. Kursi i këmbimit i BSH ka pësuar ulje të lehtë në 107. 99 (-0.27 nga data 19.12.2022).
about:blank
Si rrjedhojë çmimet e vendosura janë :
Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 208 lekë/litri, ndërsa i shitjes me shumicë jo më shumë se 196 lekë/litër.
