Votën për kandidatët e koalicionit “Bashkë Fitojmë”, Edi Rama i cilësoi si dalje kundër partneritetit me Shtetet e Bashkuara të Amerikës. Gjatë një takimi me gratë socialiste në Elbasan, kryeministri kërkoi mbështetjen e kandidatit të PS-së Gledian Llatja. Pa kaluar katër ditë Edi Rama trokiti sërish në Elbasan për të zhvilluar një tjetër takim elektoral. Këtë herë ai mblodhi gratë socialiste ku u foli më shumë për Luçiano Boçin se sa për Gledian Llatjan dhe duke e lidhur votimin në 14 maj, si vendimtare në marrëdhëniet shqiptaro-amerikane.
“Shqipëria është e të gjithëve dhe të gjithë duhet ta mendojnë mirë se një votë që shkon në drejtim të non gratave është një votë që e dëmton Shqipërinë në sytë e atyre falë të cilëve ne kemi pasur mundësi të shkojmë përpara”.
Karta ndërkombëtare mund të mos jetë ndikuese tek mbështetësit e Sali Berishës, ndaj Edi Rama u kërkoi grave të Elbasanit të futen mik te bashkëshortët që janë me bindje opozitare.
“Po Luli është shumë më i vërtetë dhe shumë më serioz se sa Luluçi që keni ju këtu. Foli burrit, t’i thërrasë mendjes, dhe nëse është aq i djathtë sa nuk e zë gjumi, të flejë gjumë në datën 14 të mos turpërojë shtëpinë duke vendosur kryq tek Like floriri”.
Ashtu si në qytetet e tjera, këtë fushatë përzgjedhjes vendore, Edi Rama e personalizoi si përballje ndërmjet tij dhe dyshes Berisha-Meta.
