Dy të rinj janë konfliktuar në Ballsh dhe sherri ka degraduar deri në përdorimin e gërshërës, ku për pasojë njëri prej tyre ka mbetur i plagosur.
Ngjarja ka ndodhur rreth orës 21:00, në lagjen “5 shkurti”. 30-vjeçari Armelin Hoxha pas një konflikti të çastit plagosi me gërshërë, 24-vjeçarin Xhesild Yzeirajn. Ky i fundit ndodhet në spital nën kujdesin e mjekëve, e ndërsa nuk dihen ende motivet e kësaj ngjarjeje.
Autori Armelin Hoxha është vënë në prangat e policisë. Grupi hetimor vijon punën për zbardhjen dhe dokumentimin e plotë ligjor të këtij rasti.
Mallakastër
Plagosi me mjet prerës (gërshërë), një 24-vjeçar, pas një konflikti të çastit, identifikohet dhe shoqërohet menjëherë nga Policia, autori i dyshuar.
Rreth orës 21:00, në lagjen “5 shkurti”, Ballsh, dyshohet se pas një konflikti të çastit, është plagosur me mjet prërës (gërshërë), shtetasi Xh. Y., 24 vjeç, banues në Ballsh, i cili ndodhet në spital, në kujdesin e mjekëve.
Menjëherë pas marrjes së njoftimit, shërbimet e Policisë kanë organizuar punën, me qëllim zbardhjen e rrethanave të këtij rasti, si dhe për identifikimin dhe kapjen e autorit.
Falë veprimeve të shpejta dhe profesionale operacionale, shërbimet e Policisë identifikuan dhe shoqëruan menjëherë në ambientet e Policisë, autorin e dyshuar të kësaj ngjarjeje, shtetasin A. H., 30 vjeç, banues në Ballsh, për kryerjen e veprimeve të mëtejshme procedurale.
Grupi hetimor vijon punën për zbardhjen dhe dokumentimin e plotë ligjor të këtij rasti.Njoftimi i Policisë
