Një studim i publikuar në revistën shkencore, Nutrition Reviews, ka treguar se mjalti mund ta përmirësojë situatën në lidhje me sheqerin në gjak dhe nivelet e kolesterolit.
Ky studim është kryer nga shkencëtarët e Universitetit të Torontos, të cilët u fokusuan në 18 prova të ndryshme të kontrolluara që përfshinin më shumë se 1.110 subjekte dhe zgjatën mesatarisht rreth dy muaj.
Ata donin të përcaktonin se çfarë dhe sa ndikim ka mjalti në faktorët e rrezikut metabolik kardiovaskular. Rezultatet treguan se mjalti ka një efekt pozitiv në shëndetin e zemrës, domethënë ka një efekt të favorshëm në lidhje me sheqerin në gjak dhe nivelin e kolesterolit.
![](https://secure-ds.serving-sys.com/BurstingCachedScripts//Res/blank_1X1.gif)
Pjesëmarrësit në përgjithësi konsumonin rreth dy lugë çaji të plota mjaltë në ditë, por u vu re se mjalti i papërpunuar ishte ai që jepte shumë më tepër përfitime. Nga ana tjetër, mjalti i përpunuar nuk është aq efektiv kur bëhet fjalë për përfitimet e organizmit. Mjalti i papërpunuar është mjalti absolutisht natyral, i papërpunuar, i papasterizuar, i pafiltruar, pa asnjë përpunim të mëvonshëm.
Studiuesit i konsideruan këto rezultate befasuese duke marrë parasysh se mjalti është afërsisht 80 për qind sheqer. Por, mjalti është gjithashtu një përbërje komplekse e sheqernave, proteinave, acideve organike dhe komponimeve të tjera të zakonshme dhe të rralla bioaktive që janë shumë të dobishme për shëndetin.
Mjalti është i pasur me antioksidantë që janë të mirë për shëndetin e zemrës, përmban flavonoide që kanë aftësinë ta parandalojnë formimin e mpiksjes së gjakut, por edhe përbërës fenolikë që reduktojnë rrezikun e sëmundjeve të zemrës dhe mbrojnë qelizat nga stresi oksidativ.
Ekspertët thonë se një deri në dy lugë mjaltë të papërpunuar në ditë mjaftojnë për të marrë lëndët ushqyese që ju nevojiten për shëndetin.
![](https://egnatianews.com/wp-content/uploads/2022/07/WhatsApp-Image-2022-07-21-at-7.14.33-PM.jpeg)