Trupat izraelite rrëzuan një dron që i afrohej Izraelit verior nga Jordania të martën në mëngjes, thanë Forcat e Mbrojtjes së Izraelit.
Megjithëse droni iu afrua kufirit izraelit nga Jordania, nuk ishte menjëherë e qartë nëse ai e kishte origjinën nga ky vend, shkruajnë mediat e huaja.
Sipas IDF, automjeti ajror pa pilot po fluturonte drejt zonës së Beit She’an në Izraelin verior kur u rrëzua.
“UAV po monitorohej nga njësitë e kontrollit ajror të IDF. Fragmentet e UAV u mblodhën nga forcat e sigurisë”, ka thënë ushtria.
IDF gjithashtu nuk ka komentuar menjëherë mbi natyrën e dronit, veçanërisht nëse ai mbante eksploziv.
Në vitin 2018, një UAV i armatosur iranian i nisur nga Baza Ajrore T-4 e Sirisë hyri në hapësirën ajrore të Izraelit në një zonë të ngjashme para se të rrëzohej nga një helikopter izraelit, duke bërë që IDF të fillojë sulmet e mëdha ndaj aseteve iraniane në Siri.
Në atë sulm, droni i ngarkuar me eksplozivë po fluturonte në drejtim të Izraelit përgjatë kufirit Siri-Jordani para se të hynte në hapësirën ajrore të Izraelit në lindje të Beit She’an.
Shkelja e hapësirës ajrore të së martës erdhi mes luftimeve të vazhdueshme midis Izraelit dhe grupeve palestineze në Rripin e Gazës.https://platform.twitter.com/embed/Tweet.html?dnt=false&embedId=twitter-widget-0&features=eyJ0ZndfZXhwZXJpbWVudHNfY29va2llX2V4cGlyYXRpb24iOnsiYnVja2V0IjoxMjA5NjAwLCJ2ZXJzaW9uIjpudWxsfSwidGZ3X2hvcml6b25fdHdlZXRfZW1iZWRfOTU1NSI6eyJidWNrZXQiOiJodGUiLCJ2ZXJzaW9uIjpudWxsfSwidGZ3X3R3ZWV0X2VtYmVkX2NsaWNrYWJpbGl0eV8xMjEwMiI6eyJidWNrZXQiOiJjb250cm9sIiwidmVyc2lvbiI6bnVsbH19&frame=false&hideCard=false&hideThread=false&id=1394559769277571072&lang=en&origin=https%3A%2F%2Fwww.faxweb.al%2Fzgjerohet-konflikti-ne-lindjen-e-mesme-nje-tjeter-vend-sulmon-izraelin-rrezohet-droni-qe-nuk-vinte-nga-palestina-ose-libani-por-nga%2F&sessionId=d3f30862b6972dcee9ffae842f3b14aca3bccf2b&theme=light&widgetsVersion=82e1070%3A1619632193066&width=550px
