Dashi
Të lindurit e kësaj shenje do të jenë mjaft rezultativ në punë këtë të premte. Ata që janë në
kërkim të një pune të re duhet të konsultohen me një anëtar të familjes ose me një mik. Sa i
përket jetës personale përpiquni të zgjidhni konfliktet me miqtë sa më shpejt të mundeni.
Demi
Keni shumë shanse për t’u promovuar gjatë ditës së sotme. Rekomandohet t’i kushtoni më shumë
vëmendje vetes dhe veçanërisht shëndetit tuaj. Përpiquni të ecni sa më shumë në këmbë dhe bëni
ushtrime në ajër të pastër.
Binjaket
Duket sikur shefi në punën tuaj nuk i kupton nevojat e punonjësve, megjithatë mos lejoni që
kjo të ndikojë në moralin tuaj. Nëse keni ndërmend të ankoheni lidhur me këtë, sigurohuni mirë
para se të flisni. Ka gjasa që nesër të keni fat, nëse planifikoni t’i blini artikuj të
rëndësishëm.
Gaforrja
Lërini të tjerët të merren vetë me punët e tyre. Mund të keni qëllime shumë të mira, por një
person nuk mund të ndihmojë këdo. Përpiquni të fokusoheni në punën tuaj, pasi do t’ju shfaqen
mundësi për rritje profesionale.
Luani
Do të jetë një nga ato ditë, ku gjithçka do të shkojë mbarë. Nëse keni ndërmend të blini diçka
të kushtueshme, është dita e duhur për ta bërë këtë. Megjithatë tregohuni të kujdesshëm kur të
bëni pagesën. Marrëdhënia në çift do të jetë e shkëlqyer.
Virgjeresha
Është e rëndësishme t’i përkushtoheni vetes. Ka gjasa që të zhvilloni një intervistë të
rëndësishme gjatë kësaj të premte. Përpiquni të shmangni shprehjet klishe, por ndjehuni të
lirë ta shpreheni ashtu sikurse ju dëshironi.
Peshorja
Fokusohuni më shumë tek e tashmja dhe jo tek ato çfarë mund të ndodhin në të ardhmen e afërt,
pasi kjo do të bënte që të humbnit disa mundësi të rëndësishme. Ndaj, shfrytëzoni momentin dhe
përpiquni të ecni përpara.
Akrepi
Eksperimentet tuaja të fundit me stilin e veshjes ka gjasa që t’ju shpërblehen sot, pasi do
të fitoni vëmendjen e një personi mjaft interesant. Megjithatë mos u joshni nga komplimentet e
tepërta. Qëndroni pranë atyre që ju kanë mbështetur gjithmonë dhe do të ishte e udhës ta
shprehnit vlerësimin për to.
Shigjetari
Nëse sot do të keni më shumë kohë të lirë se ditët e tjera, përpiquni ta menaxhoni sa më
mirë atë. Rekomandohet të merrni këshillën e një mikut tuaj lidhur me këtë. Bëni shumë kujdes
nëse keni ndërmend të bëni blerje të ndryshme këtë të premte.
Bricjapi
Mund t’ju vijë një ide sot, e cila do t’ju duket brilante. Partneri/partnerja mund të
kërkojnë më shumë vëmendje nga ana juaj dhe ka gjasa të shfaqen probleme mes jush, te cilat do
të kalojnë shpejt. Bëni kujdes me regjimin ushqimor.
Ujori
Mund t’ju kërkohet të ndërmerrni një vendim të rëndësishëm. Ka gjasa t’ju duhet të hiqni dorë
nga një marrëdhënie e papërcaktuar. Analizoni çdo detaj lidhur me një vendim të mundshëm dhe
tregohuni të fortë për të zgjedhur opsionin më të mirë.
Peshqit
Dita e sotme nuk do të shkojë ashtu sikurse ju e kishit menduar, sidomos nëse nuk keni
fjetur aq sa duhet. Vëzhgoni me kujdes njerëzit rreth jush dhe tregohuni të gatshëm nëse
dikush do të ketë nevojë për ndihmën tuaj.
