Kryeministri Edi Rama ka mbajtur një takim me profesorë në Universitetin Bujqësor të Tiranës në kuadër të një marrëveshje me qeverinë Gjermane për hapjen e një program doktorature në këtë universitet në degën e Bujqësisë dhe Mjedisit.
Rama tha se këto investime ishin shumë të rëndësishme për një universitet të tillë, ndërsa me batutë përmendi se ishte i vetmi në sallë që kishte një diplomim vetëm në nivelin “bachelor” ndërkohë që të gjithë shqiptarët kishin nga një diplomim “master”.
Kryeministri Edi Rama: Në këtë sallë të gjithë e kanë nga një titull, vetëm unë jo. Një bachelor i thjeshtë jam unë. Kjo fjala master më është bërë tmerr kur mendoj se të gjithë shqiptarët janë me master. Sot është një ditë shumë e bukur për universitetin Bujqësor të Tiranës për shkak të marrëveshjes që lidhet me qeverinë gjermane.Nuk duhet të japin doktoratura lokale dhe ne nuk duhet të kemi në të ardhmen tonë universitete lokale dhe duhet të kemi një botë universitare të ndërthurur në atë europian. Më vjen mirë që ky universitet bëhet një shembull sepse ky universitet është jashtëzakonisht i rëndësishëm për këtë vend. Ka ndodhur një ndryshim i rëndësishëm në këtë universitet që nga hera e parë që unë kam ardhur këtu sepse duhet të pyesje për të gjetur derën. Por ajo që duhet të ndryshojë është ajo e mënyrës së të menduarit. Ky universitet nuk do ketë vetëm student shqiptarë, por edhe të huaj dhe kjo nuk do nisë në të ardhmen, ka nisur që tani. Kjo është e ardhmja, teknologjia nuk preodhon dot bukë, nuk prodhon dot ushqim që do jetë gjithmonë e më shumë sfida e botës dhe e vendeve.
Shpesh herë më thonë Shqipëria i ka të gjithë, përse nuk është ndër vendet më të zhvilluara? Sepse pasuria është këtu pra, jo nën tokë. Izraeli nuk ka ujë por ëshë kampioni i botës në furnizimin me ujë ndërsa ne jemi të dytët në Europë për burimet e shumta të ujit. Si ka mundësi? Sepse Izraeli ka investuar në dije.
