Partia Demokratike do të bëhet me dy seli. Apelit vendosi që vulën ta ketë Alibeaj, i cili bashkë me grupin e deputetëve të tij, kanë zgjedhur të marrin ambiente të reja zyrash për të shmangur një përplasje me Berishën. Nga fotot e siguruara shihet që në hyrje është vendosur dhe logoja dhe emri i Partisë Demokratike. Godina e selisë së grupit të Alibeajt ndodhet pranë kryesisë së Kuvendit, përballë hyrjes në Gjykatën Kushtetuese.
KQZ ka regjistruar si PD zyrtare në zgjedhjet e 14 majit, atë të drejtuar nga kryetari i komanduar Enklejd Alibeaj, ndërsa grupimi i Berishës do të futet në zgjedhje me koalicionin “Bashkë Fitojmë”, por jo me logon e PD, referuar vendimit të sotëm të KQZ-së.
