Pas miratimit të ndryshimeve në rregulloren e Kuvendit nga mazhoranca, kreu i Grupit të PS-së, Bledi Çuçi ka deklaruar se deputetët e opozitës që kryejnë shkelje do të përjashtohen.
Kryetari i grupit parlamentar të Partisë Socialiste, Bledi Çuçi tha deputetët që ndezin zjarr në Parlament do të përjashtohen me 60 ditë.
Çuçi u shpreh se edhe nëse 23 deputetët opozitarë ndezin zjarr në Parlament, për të gjithë do të merren masa.
“Nuk asnjë shqetësim në lidhje me kushtuetshmërinë ndryshimeve që morëm sot.
Nuk është normale dhe për mendimin tim është vepër penal të ndezësh zjarr në sallën e Parlamentit, që është moment solem për ushtrimin e të drejtave të Parlamentit për të ushtruar sovranitetit që i ka deleguar populli.
Nëse 23 deputetë të opozitës ndezi zjarr do të përjashtohen të gjithë. Nuk janë paraqitur për ta diskutuar. Ju e dini sa është përjashtimi në parlamentin italian 15 seanca.
Nuk do të pengojmë ngritjen e komisione parlamentare, ndaj paraqitëm edhe ndryshimet në rregullore. Kemi përfshirë të gjitha çështjet që ka prekur Kushtetuesja”, tha Çuçi.
