Sot u dha lajmi për vdekjen e gazetares së Radio Tirana International, e cila ndërroi jetë në moshën 68 vjeçare.
Dashuri Murati, e cila ka dhënë një kontribut të çmuar ndër vite në Radio Tirana International, e ka filluar punën në këtë institucion që në vitin 1976, në seksionin e gjuhës turke.
Që prej asaj periudhe, gazetarja ka qenë gjithmonë e pranishme në mbledhje të nivelit të lartë të delegacioneve të dy vendeve.
Dashuri Murati, është bashkëshortja e diplomatit Shaban Murati, dhe nëna e gazetarit Erl Murati.
Për humbjen e parakohshme të bashkëshortes ka reaguar edhe diplomati dhe analisti i njohur i medias, Shaban Murati.
“‘Dashkës, që mbajti të ndezur dritën në shpirtin tim’- Është dedikimi i librit tim të fundit për gruan time, Dashuri Murati, që u shua vete sot, por dritën e saj do ta kem deri në frymen e fundit”, shkruan ai.
