Ambasadorja amerikane Yuri Kim e shoqëruar nga ministri i mbrojtjes Niko Peleshi ka vizituar stërvitjen ushtarake të ‘Defender 21’ që po zhvillohet në ‘Pasha Liman’ të Vlorës.
Yuri Kim tha se stërvitja që po mbahet në Shqipëri është më e madhja e organizuar në Ballkan dhe përveçse mundësive për t’u specializuar në fushën ushtarake, po sjell edhe mundësi të mëdha për zhvillim ekonomik pasi do të ketë edhe investime amerikane në vend.
Më tej, Kim u pyet në lidhje me padinë që ish Kyreministri Sali Berisha ngriti ndaj sekretarit amerikan të Shtetit, Antony Bliken duke e akuzuar për shpifje dhe akuza të pabaza.
Ajo e shmangu pyetjen duke u përgjigjur se nuk e kishte idenë për çfarë po e pyesnin.
“Sot jam këtu në Pasha Liman për të parë operacionet detare. Kjo është për të siguruar që kur ne bashkëpunojmë me njerëi tjetrin, janë dominues në ajër toke dhe në det.
Së bashku me investimet në mbrojtje kemi parë që ka zhvillime të mëdha të biznesit. Si ambasadore amerikane dua të shikoj më shumë investime në këtë vend sepse është i shkqlqyer. Kj oështë dicka që duhet të punojmë së bashku, sepse unë kam pjesën tim dhe ju keni pjesën tuaj. Ju keni parë zhvillime domethënëse, në fushën e shtetit ligjor.
Yuri Kim pyetet për padinë e ish kryeministrit Berisha ndaj sekretarit amerikan të shtetit:
Kim: Më falni, Unë nuk e kam idenë për cfarë po flisni. Shqipëria është anëtare e NATOs, është aleate e SHBA-ve, shteti ligjor duhet të prevalojë, askush nuk mund të jetë mbi ligjin, kështu që ditët e pandëshkueshmërisë duhet të marrin fund. Ky është një projekt që ne së bashku mund ta bëjmë, kështu që le të vazhdojmë përpara”– tha ambasadorja.
